Basha: Rama bllokoi tramin e Tiranës

Lulzim Basha tregoi sonte në Opinion se Edi Rama, pasi erdhi në pushtet, bllokoi projektin e tramit të Tiranës.

Duke u ndalur në punët që ai ka bërë në Bashki, Basha u shpreh për disa projekte të bllokuara nga qeveria.

Si përshembull zgjatimi i Bulevardit.

Po sonte, kreu i Opozitës tha se ishte bërë projekti dhe ishte siguruar financimi nga qeveria franceze përmes një kredie për tramin e për nisjen e punës, por Edi Rama e mbylli këtë, pasi gjatë një takimi në Paris i tha Presidentit francez, se trami nuk ishte prioritet.

Kjo sipas Bashës është e vërtetuar dhe e shkruar në relacionin e ambasadës franceze.