Aktualitet

Basha: Rama dështoi me çdo premtim, unë angazhohem për zgjidhje














Bëni LIKE faqen zyrtare në Facebook
               Publikuar në : 13:43 - 14/02/21 |
mapo.al

Kreu i Partisë Demokratike, Lulzim Basha, ka sjellë në vëmendje angazhimet me të ardhur në krye të qeverisjes.






Në një deklaratë për mediat, Basha tha prej disa muajsh po punon me specialistët më të mirë për të sjellë plane serioze pune për qytetarët shqiptarë, në të gjitha fushat: ekonomi, arsim, shëndetësi e bujqësi.


Ai gjithashtu përmendi premtimet e pambajtura të Ramës, hapjen e 300 mijë vendeve të punës, shëndetësinë falas, heqjen e TVSH-në për ushqimet bazë, uljen e taksave për 97% të shqiptarëve, çeljen e negociatave me BE-në, uljen e borxhit publik, sigurimin e buxhetit për arsimin 5%, legalizimet falas, si dhe kthimin e emigrantëve në vend.





Dhe theksoi se Rama s’bën gjë tjetër veçse ushtron propagandë, edhe në një kohë kur vendi është i përmbytur, me rrugë të bllokuara e familje pa strehë e çati.



DEKLARATË E KRYETARIT TË PARTISË DEMOKRATIKE TË SHQIPËRISË, LULZIM BASHA


Qytetarë të Shqipërisë,

Më dëgjoni me vëmendje

1)         300 mijë vende punë

-Ne kemi ardhur këtu për të vendosur me votë tek numri 29 çlirimin e energjive të jashtëzakonshme të këtij populli dhe për të luftuar së bashku që të hapim 300 mijë vende të reja pune.

2)         Shëndetësi Falas

Shërbim shëndetësor falas brenda 4 viteve të para të qeverisjes sonë

3)         Heqja e TVSH-së për ushqimet bazë

“Heqja e TVSH-së mbi bukën, qumështin dhe vezët, si edhe ulja e TVSH-së mbi ushqimin, janë e vetmja rrugë për t’u ardhur sadopak në ndihmë sot”

Do të ulim taksat për 97 përqind të shqiptarëve.

4)         ULJA E ÇMIMIT TE ENERGJISE ELEKTRIKE

-Do të ulim taksën për faturën e energjisë për familjarët.

5)         Negociatat me Bashkimin Europian

Do t’i hapim negociatat me Bashkimin Europian, ne do ta bëjmë Shqipërinë anëtare të Bashkimit Europian.

6)         Uljen e Borxhit publik

-Do ta përcaktojmë me ligj masën e borxhit, të mos lejojmë një borxh pa asnjë tavan ligjor.

– Defiçit dhe borxh publik nën kontroll, përmes politikash të përgjegjshme fiskale.

7)         Buxhetin për arsimin 5%

-Arsimi, angazhimi ynë, burimet financiare nuk do të jenë më pak se 5% e Prodhimit të Brendshëm Bruto

8) Legalizime falas + Ujin në cdo parcelë e shtëpi

-Dy gjëra, këto 4 vite, do merrem unë përsonalisht dhe do të përgjigjem unë personalisht. Mbas 4 vitesh nuk do t’ja vë absolutisht përgjegjësinë askujt: Legalizimet falas të shtëpive të ndërtuara në zonat infromale dhe ujin në cdo metër katror tokë buke dhe ujin e pijshëm në cdo shtëpi. Me këto dy gjëra do merrem unë dhe do përgjigjem unë.

Lexo edhe :  Rama nxjerr videon dhe prezanton platformën: E ardhmja e afërt e transportit...

9) Kthimi i emigrantëve në vend

-Ne do të ndërtojmë mirëqenie dhe do të krijojmë kushtet që dhe bijtë tuaj të kthehn nga andej nga janë. Mos rropaten më në tokat e fqinjëve, po të vijnë dhe të ndërtojnë të ardhmen dhe pasurinë e tyre këtu në tokat e stërgjyshëre të tyre.

A ju duken se i keni dëgjuar këto më parë?

Keni të drejtë.

Pikërisht këto ishin premtimet e Ramës para 8 viteve.

Po Rama nuk ka mbajtur as edhe një nga këto premtime.

Ai ka dështuar në çdo drejtim.

Rama premtoi para 8 vjetësh kujdes shëndetësor falas për të gjithë, por e nuk bëri dhe shëndetësia është në kolaps. Rama premtoi para 4 vjetësh se do të ulte kostot e jetesës, po kostot e jetesës vetëm rriten.

Tani ka filluar të thotë të tjera premtime boshe.

E gjithë kjo do të ishte për të qeshur sikur këto tallje të mos rëndonin mbi xhepat e shqiptarëve dhe të mos i vuanim në kurriz tash 8 vjet.

Ka ardhur koha të ndryshojmë, ka ardhur koha ta largojmë Ramën dhe të punojmë për njerëzit.

Prej disa muajsh, une po punoj me specialistët më të mirë për të sjellë plane serioze pune për qytetarët shqiptarë, në të gjitha fushat: ekonomi, arsim, shëndetësi, bujqësi, dhe në të gjitha fushat!

Të dashur shqiptarë,

Vendi ynë është nën ujë. Sërish.

Rrugët janë bllokuar. Sërish.

Njerëzit po jetojnë në çadra. Ende.

Gra e fëmijë po vuajnë të ftohtin.

Katastrofa natyrore kanë ndodhur këto kohë dhe gjithmonë do të ndodhin.

Pyetja e vetme që shtrohet është: ç’po bëhet për të shmangur sa më shpejt e sa më mirë pasojat që i vuajnë qytetarët?

Çfarë bën Edi Rama sa herë njerezit kanë nevojë për ndihmën e shtetit?

Vetëm propagandë!

Çfarë bëri Rama pasi ra tërmeti? Vetëm propagandë!

Çfarë bëri Rama kur nisi pandemia? Vetëm propagandë!

Çfarë bëri pasi nisën përmbytjet? Vetëm propagandë!

Ku është Rama ku shumica e vendit është e bllokuar?

Rama po bën atë që di të bëjë më mirë: vetëm propagandë!

Me Ramën Shqipëria ka ngecur në baltë, dhe ka ardhur koha që ta nxjerrim atë nga balta.

Më 25 prill Rama do të humbë dhe do të fitojë Shqipëria!

1


Etiketa: , , , ,

CLOSE
CLOSE
Pas