Kryesore

Basha takim me qytetarët te Unaza e Re: Rama dështoi, do iu kthejmë qeverisjen shqiptarëve








Bëni LIKE faqen zyrtare në Facebook
               Publikuar në : 14:03 - 19/06/20 |
mapo.al

Kreu i Partisë Demokratike, Lulzim Basha ka vizituar sot disa biznese në zonën e “Unazës së Re” në kryeqytet.


Ai ka bërë të ditur në një status në Facebook se banorë dhe sipërmarrës të vegjël treguan se e kanë të pamundur të shlyejnë dhe faturat, të cilat u kanë ardhur dyfish më të larta.


Ai ka bërë thirrje se kjo situatë duhet të marrë fund. Rama dështoi, thotë Basha, ndërsa shton se është koha që t’u kthehet qytetarëve qeverisja.



Statusi i Bashës:
“Në Tiranë e kudo në Shqipëri situata po rëndohet çdo ditë e më shumë. Papunësia po rritet, bizneset po mbyllen e ndërsa qeveria duhet të ndërmarrë hapa të menjëhershme për t’u ardhur në ndihmë, ajo vijon me propagandën e ngopjes me lugën bosh.


Banorë dhe sipërmarrës të vegjël në zonën e Unazës së Re me të cilët bisedova sot, më treguan se e kanë të pamundur të shlyejnë dhe faturat, të cilat u kanë ardhur dyfish më të larta. Tarifat vendore janë rritur, çmimet janë rritur, ndërsa të ardhurat kanë rënë. Shumë prej tyre, edhe pse u ka ardhur njoftimi se kanë përfituar pagën e dëmshpërblimit për muajt e karantinës, nuk e kanë marrë atë akoma.


Në 7 vjet paratë e mbledhura nga taksat e rritura, RAMAVIRUSI i çoi tek një grusht oligarkësh, ndërsa qytetarët në ditët e tyre më të vështira, i la në mëshirë të fatit.

Sot, të gjithë e dinë se me RAMAVIRUSIN, situata për qytetarët vetëm do të rëndohet, ndërsa oligarkët, taksidarët dhe qeveritarët janë sulur të Kapin Ça të Kapin.

Kjo situatë do të marrë fund me bashkimin më të madh në këto 30 vite të shqiptarëve që duan ndryshimin. Të gjithë ata që kanë abuzuar me taksat e shqiptarëve do të japin llogari deri në një.

Ne do t’u kthejmë qeverisjen qytetarëve. Ne do të bëjmë gjithçka për çlirimin dhe ringritjen e ekonomisë, për punësimin dhe mirëqënien e çdo shqiptari.”


Etiketa: , , ,

CLOSE
CLOSE
Pas