Aktualitet

Basha u jep deputetëve “porositë” për Kushtetutën e re














Bëni LIKE faqen zyrtare në Facebook
               Publikuar në : 17:39 - 19/10/21 |
mapo.al

Partia Demokratike nesër do të depozitojë në Kuvend amendamentet për ndryshimet kushtetuese. Pasditen e sotme, vetëm Lulzim Basha ka mbledhur në selinë blu deputetët demokratë, që janë anëtarë të Komisionit të Ligjeve, vendi ku do të zhvillohet beteja përpara se draftet të përfundojnë në parlament.






Por cfarë kërkon PD me ndryshimet e fundit?
Demokratët në thelb kërkojnë një Kushtetutë të re. Në dokumentin me ndryshimet kushtetuese demokratët përcaktojnë mënyrën se si do të realizohet kontrolli i thelluar i pasurisë dhe të pastërtisë së figurës së politikanëve në të gjitha nivelet.


Demokratët i kanë qëndruar propozimit të 2018 për të larguar nga politika këdo që nuk justifikon dot pasurinë apo ka kontaktet e papërshtatshëm me persona të përfshirë në krimin e organizuar.







Këtij kontrolli do t’i nënshtrohen deputetet, Kryeministri dhe ministrat, Presidenti i Republikës, kryetarët e bashkive, Guvernatori i Bankës së Shqipërisë, Kryetari i Kontrollit të Lartë të Shtetit, Avokati i Popullit dhe Drejtori i Shërbimit Informativ të Shtetit. Por pjesë e kontrollit do të jenë edhe familjarët e politikanëve të cilët mund të jenë përcaktues me pasurinë dhe kontaktet për mandatin e të zgjedhurve.

Lexo edhe :  Nga Librazhdi në Burrel, çfarë po zbulon mikrofoni i demokratëve



Ndryshe nga viti 2018 këtë herë demokratët duket se e kanë gjetur organin që do ta kryej vetingun e politikanëve. Në amendamentet kushtetuese, demokratët kërkojnë edhe një hartë të re territoriale duke rikthyer konceptin e komunave si njësi administrative.



Pas ndryshimit të hartës territoriale në vitin 2014, Shqipëria u nda në 61 njësi administrative. Demokratët përcaktojnë që komunat të përfshijnë vetëm territore rurale, ndërsa bashkitë përfshijnë kryesisht territore urbane dhe vetëm pjesërisht territore rurale.

Demokratët në grupin me amendamente propozojnë edhe rikthimin e koalicioneve parazgjedhore të hequra nga Kushtetuta në ndryshimet e 30 korrikut 2020. Gjithashtu në Kushtetutë hiqet përcaktimi që 2/3 e listave të jetë e hapur duke i dhënë mundësi ndryshimeve në kod për t’i hapur listat 100%./abc/

7


Etiketa: , , ,

CLOSE
CLOSE
Pas