Kryedemokrati Lulzim Basha paralajmëroi sot se kontratat e koncesioneve do të trajtohen nga ligji i ri anti-mafia, kur PD të vijë në pushtet.
Basha prezantoi sot mekanizmin që sipas tij do të rekuperojë miliona euro që sot u janë dhënë koncesioneve në rrugë antiligjore.
Lideri i opozitës shtoi se ligji anti-mafia do të jetë i bazuar sipas modelit italian, i cili ka rezultuar i suksesshëm.
“Kur njëra nga format e abuzimit të evidentohet, do të trajtohet nga ligji i ri anti-mafia. Ky proces kalon në tre hapa: Qeveria që verifikon, Prokuroria E Poscaçme, Gjykata e Posaçme. Mekanizmi ynë anti-mafia, model i suksesshëm në Itali në luftën kundër mafias. Mekanizmi ynë anti-mafia në përputhje me konventat ndërkombëtare, për të rikthyer konkurrencën në çdo sektor.
Kthen paratë publike të grabitura nga abuzuesit tek qytetarët, përmirëson klimën e biznesit dhe nxit sipërmarrjen, paratë e rikthyera përdoren për investime dhe programe publike. Tre javë nga plani ynë me 5 pika, asnjë masë nuk është marrë për t’i shpëtuar shqiptarë nga kriza. Nëse paratë për inceneratorët, do të shkonin në ndihmë për qytetarët, situata sot do ishte ndryshe”, deklaroi Basha.
LEXO EDHE:
LIVE – Basha deklaratë për mediat: Kush është peshku i madh i incineratorëve?
Etiketa: Incineratoret, koncesionet, Lulzim Basha, Video
