Lidhjet në të shkuarën e Justin Bieberit paskan ndikuar në jetën e bashkëshortes, Hailey Bieber. Më shumë se të tjerat, lidhja që ai ka pasur me këngëtaren, Sela Gomez. Këtë e ka konfirmuar vet modelja në shfaqen e tyre në Facebook ‘Watch The Biebers’, ndërsa zbuluan shumë të reja që mbase nuk i keni dëgjuar më parë.
“E kisha shumë të vështirë me gjërat që thonë njerëzit. Ata kanë bërë përherë shumë krahasime dhe më kanë bërë të ndihem më pak nga çfarë jam. Është e vështirë kur njerëz të tjerë kanë fansa aq të zjarrtë sa nuk mund ta kuptojnë raportin apo se si lidhja funskionon në të vërtetë dhe vazhdojnë të të komentojnë ty”, ka thënë Hailey.
Ndërkohë, Justin e pranoi se ka qenë ‘xheloz’ para se të martohej me Baldwin duke thënë, “Kisha shumë gjëra për të cilat duhet të punoja më shumë. Gjërat rreth faljes, xhelozisë. Pasiguritë që kisha – që as nuk i kuptoja derisa zgjodha ta kaloj jetën time me ty”.
Justin dhe modelja 23-vjeçare, e kurorëzuan dashurinë e tyre në vitin 2018 dhe që prej asaj kohe ata gëzojnë një marrëdhenie të shëndetëshme.