Bashkia e Selenicës ka marrë dy vendime pas masakrës së ndodhur dje në fshatin Resulaj ku Ridvan Zykaj vrau 8 të afërm të tij, mes tyre 2 të mitur.
Kryetari i Bashkisë së Selenicës Përparim Shametaj deklaroi në një prononcim për “BalkanWeb” se shpenzimet e funeralit do merren përsipër nga Bashkia.
“E kemi mbledhjen në orën 13:00, një orë para ceremonisë së varrimit. Janë dy projektvendime që çojmë në këshillë. Bëhet fjalë për të shpallur një ditë zie pas ditës së varrimit dhe për të marrë përsipër shpenzimet e ceremonive mortore të 8 viktimave”, u shpreh kryetari i Bashkisë së Selenicës Përparim Shametaj për “BalkanWeb”.
Pas mbledhjes u vendos që e hëna të jetë ditë zie.
