Bashkia e Vlorës është përfshirë në një skandal, pasi mëngjesin e sotëm ka zhdukur të gjithë flamujt kuq e zi nga monumentet e qytetit.
Bashkia ka hequr flamujt kuq e zi nga varrezat e dëshmorëve dhe nga Monumenti i Pavarësisë.
Denoncimi vjen nga zv/kryetari i LSI-së, Luan Rama.
Statusi i Luan Ramës:
Skandal i bashkisë së Vlorës:
HIQET FLAMURI KOMBËTAR NGA VARREZAT E DËSHMORËVE DHE MONUMENTI I PAVARËSISË!
Sot kur e gjithë vetëdija jonë kombëtare nderon dëshmorët e kombit në ditën e çlirimit të atdheut, bashkia e Vlorës në ora 10:30 ka hequr flamurin kombëtar nga varrezat e dëshmorëve dhe nuk ka vënë asnjë flamur të vetëm pranë monumentit të pavarësisë!
Hipokrizia e hajdutëve të bashkisë së Vlorës fyen dhe nëpërkëmb ditën e shenjtë të çlirimit të atdheut!
