Në orën 20:30 Bayern Munich dhe Borusia Dortmund do t’i japin jetë një tjetër Der Klassiker. Dy gjigantët e futbollit gjerman do të ndeshen për Superkupën e Gjermanisë.
Bayern është skuadra që e ka fituar më shumë herë këtë trofe (7 suksese, i fundit në 2018-ën), Dortmund është në ndjekje të triumfit të 6-të (fitues në 2019-ën).
Do të jetë një ndeshje speciale jo vetëm për ekipet e Flick dhe Favre, por edhe arbitrin: në moshën 41 vjeç, kjo do të jetë ndeshja e fundit për Bibian Steinhaus, që do ta mbyllë karrierën me Klassiker-in e saj të parë dhe finalen e saj të parë.
Formacionet zyrtare
Bayern: Neuer; Pavard, Sule, Lucas Hernandez, Davies; Kimmich, Martinez, Tolisso; Muller, Lewandowski, Coman.
Dortmund: Hitz; Meunier, Hummels, Akanji, Passlack; Emre Can, Dahoud, Delaney; Brandt, Haaland, Reus.
