Një 56-vjeçar nga Kukësi është arrestuar nga Drejtoria e Antiterrorit, pasi iu bënte thirrje qytetarëve për përkrahje të luftës në Siri.
Gjykata e Apelit të Posaçëm kundër Krimit të Organizuar dhe Korrupsionit (GJKKO) ka caktuar masën e sigurisë “Arrest me burg” ndaj tij.
“Nga hetimet e kryera prej disa muajsh nga Drejtoria e Antiterrorit në Policinë e Shtetit, në bashkëpunim me Byronë Kombëtare të Hetimit (BKH) dhe SPAK-un, duke përdorur metodat proaktive, u bë i mundur identifikimi i personit që përdorte këto profile false, shtetasi Ibrahim El Salih (Lekica), person me prirje ekstremiste fetare, i cili postonte në rrjetet sociale, shkrime të ndryshme në përkrahje të ISIS. Gjithashtu, i bënte thirrje qytetarëve, për përkrahje të luftës në Siri”, thuhet në njoftimin e policisë.
Arrestimi vjen një ditë para ndeshjes finale të Ligës së Konferencës që do të mbahet në Tiranë.