Në foltoren e mbajtur në Sarandë, Sali Berisha tha se lëvizja që ka nisur është më e fuqishmja në vend që prej vitit 1991.
Ai akuzoi Bashën për nëpërkëmje të sakrificës së demokratëve. Duke e cilësuar peng të Ramës, Berisha tha se kryetari po kërkon të delegjitimojë firmat për bledhjen e Kuvendit.
Lideri historik u shpreh se mbledhja e firmave ka tmerruar jo vetëm Bashën, por edhe qeverinë.
Për Berishën me depozitimin e këtyre nënshkrimeve është zbatuar statuti. Ato nuk janë feshur, tha ai, por nuk mund të publikohen.
Çdokush, sipas Berishës është i lirë të shkojë t’i shohë. Ish-kryeministri tha se edhe Basha mund të shkojë t’i verifikojë, t’i shohë, por të mos prekë asnjërën prej tyre.
“Ne do të bëjmë gjithçka për përmbysjen e Ramës dhe për hapjen e rrugës që shqiptarët të votojnë të lirë. Por më përpara ne duhet të votojmë të lirë në PD, duhet të zgjedhim përfaqësuesit tanë më votën e anëtarësisë, duhet të përcaktojmë ne se kush do të në përfaqësojë, do i caktojë kryetari?
Jo. Do i caktoni ju, do i zgjidhni ju, që të ndjehen deputetë dhe përfaqësues tuaj dhe jo të kryetarit”, deklaroi Berisha.
