Ish-kryeministri Sali Berisha ka zhvilluar një takim me banrët e Fushë-Aliës në Dibër, ku i ka ftuar të mbështesin kandidatin e koalicionit “Shtëpia e Lirisë”. Gjatë takimit, Berisha akuzoi shumicën socialiste se e ka përbuzur Dibrën në këto vite.
Ndërsa gjatë takimit me fermerët e Dibrës, Berisha u premtoi mbështetje për bujqesinë kur partia demokratike të vijë në pushtet.
“Pse është rritur çmimi i plehrave kimike, ilaçeve të bletëve? Sepse janë monopol, tregtinë e këtyre e kanë njerëz të qeverisë dhe bëjnë çtë duan. Pse Shqipëria ka çmimin e naftës më të lartë në Europë sa Suedia e Zvicra? Sepse Edi Rama me importuesit ndan fitimet, vendos taksë pas takse. Ka nxjerrë tani edhe taksën e kontrollit mbi pompa, po dyfishohet, dhe kjo është rritje e çmimit për ju dhe shqiptarët.”
Ish-kryeministri iu ka bërë apel dibranëve të mos votojnë kandidatin e Bashës, duke theksuar se do të ndihmojnë vetëm qeverinë e Ramës.
“Siç u provua, ai që drejtonte opozitën ishte një arrë me vrimë. Arra me vrimë, siç e dini ju, as nuk hahet, as nuk mbillet. Nuk ia ka fajin asnjë njeri. U bëj thirrje demokratëve të Dibrës: mos përdorni votën kundër të djathtës se ai nuk fiton gjë.”
