Ish-kryeministri Sali Berisha, nga Syri TV, i kërkoi opozitës dhe shqiptarëve të ngrihen në protesta dhe të rrëzojnë kryeministrin Edi Rama. Sipas tij, Europa foli qartë. Nuk ka hapje negociatash me atë kryeministër.
Ai shtoi se, pas Kim Jong Un dhe Chaves është i treti me letrat më të diskretituara ndërkombëtarisht. Sa i përket marrëveshjes për reformën zgjedhore dhe deklaratës së Ramës se, “Jam i gatshëm ta gris marrëveshjen nëse vazhdoni të flisni keq për mua”, Berisha u shpreh se nga ai mund të presësh gjithçka.
“Përveçse ka një marrëveshje, ka një kërkesë ekspicite të Berlinit, të Brukselit por edhe të vetë sekretarit të shtetit për votimin e marrëveshjes. Njeriu që e siguron marrëveshjen është ai. Ai kundërshtoi me forcë identifikimin biometrik, ishte mekaniku kryesor për të vjedhur votat.
E dyta, administrata. Kishte një raport ndërkombëtar që thoshte është shumë e politizuar. Pikën e dytë e gjeti vetë Rama. Më pas bëri drafte dhe thoshte “thoni u ndryshua sistemi”. ODIHR nuk ka kërkuar në asnjë raport ndryshim sistemi. Pastaj merret me lloj lloj gjëra. Do ndaloj koalicionet, do bëjë këtë. E bën. Çfarë nuk pret nga ky!
Shqiptarët duhet ta krrehin për leckat. Kjo është e gjitha. Europa foli. Nuk ka negociata me Edi Ramën. Tani u kuptua më lehtë nga shqiptarët kush është Edi Rama. Duhet të dalim dhe ta krrehim. Kjo opozitë duhet ta krrehë Ramën bashkë me shqiptarët. Rama është leckë e djegur. Atë që i ka bërë vetes nuk ja ka bërë askush”, u shpreh Berisha.
LEXO EDHE:
Seanca për Shqipërinë në PE: Pa plotësuar 15 kushtet s’ka hapje negociatash
Berisha: Basha kryeministrër në 2021, kam një këshillë për opozitën
Etiketa: Berisha, Europa foli, negociata, Rama
