Berisha në Lushnjë me ftesë të PS, Fino: Ceremonia u organizua nga ne

Lushnjë- Duke përfituar nga kremtimet për 100-vjetorin e Pavarësisë, kryeministri Sali Berisha mori pjesë dje në përkujtimin e Kongresit të Lushnjës, të mbajtur në këtë qytet 92 vite më parë. Një arsye më shumë për të mos qenë prezent dje në Tiranë, aty ku po zhvillohej protesta-homazh e Partisë Socialiste në kujtim të katër qytetarëve të vrarë plot një vit më parë para Kryeministrisë. Por nuk ishte vetëm pjesëmarrja e kryeministrit Berisha ajo që ra në sy në aktivitetin e djeshëm tw organizuar nga socialistwt. Në ceremonitë festive të organizuara nga Bashkia e Lushnjës ishin të pranishëm edhe kryetarja e Kuvendit, Jozefina Topalli; ministri i Kulturës, Aldo Bumçi; deputetja e qarkut të Fierit, Mesila Doda; por edhe deputetët socialistë Arben Çuko dhe Bashkim Fino. Në një prononcim për gazetën “Mapo”, deputeti Çuko tha se ishte detyrim ndaj qytetarëve të Lushnjës organizimi i një ceremonie të tillë. I të njëjtit mendim ka qenë edhe deputeti tjetwr i PS-së nw kwtw zonw, Bashkim Fino. Fino theksoi përmes një prononcimi për MAPO-n se takimi në Lushnjë ishte organizuar nga Bashkia e Lushnjës dhe deputetët e PS-së të këtij qyteti. Sipas Finos, kryeministri Berisha ka qenë thjesht i ftuar nw ceremoninw e pwrkujtimit tw Kongresit tw Lushnjes. Fino u shpreh se do të donte që të ishte pjesë e homazheve që u zhvilluan në Tiranë pwr tw vrarwt e 21 janarit, porse detyrimi që ai ka ndaj qytetarëve të Lushnjës e bëri të pamundur pjesëmarrjen e tij. “Unë natyrisht do të doja të isha në Tiranë në homazhe. Por, me mirëkuptimin e partisë, bashkë me z.Cuko, të dy deputetë të Lushnjës kishim detyrimin që të ishim në aktivitetin që u organizua me rastin e 92- vjetorit të Kongresit të Lushnjës. Kjo në radhë të parë në respekt të qytetarëve të Lushnjës, por edhe se pse ne,  së bashku me Bashkinë e Lushnjës që drejtohet nga socialistët, ishim organizatorë të këtyre aktiviteteve. Ndërkohë, përsa i përket Saliut, ai ishte si i ftuar aty dhe jo si organizator”,-shtoi Fino. Pjesmarrjen nw ceremoninw e Lushnjes, Fino e lidhi edhe me detyrwn e tij si sekretar tw Pushtetit Vendor nw PS. “Nga ana tjetër unë jam edhe Sekretar për Pushtetin Vendor dhe kam detyrimin të ndihmoj drejtuesit vendorë socialistë, i cili në këtë rast është z.Fatos Tushe, ish-deputet”,- tha dje Fino. Pikërisht me ftesë të kryetarit të Bashkisë së Lushnjës, Berisha bëri një vizitë në shtëpinë muze “Kongresi i Lushnjës”, aty ku zhvilloi punimet Kongresi Kombëtar. Gjatë kësaj vizite, Kryeministri u shpreh se pasuria kombëtare që gjendet në këtë muze tregon për madhështinë e kësaj dite, dhe këtij Kongresi, i cili më shumë se çdo gjë tjetër “mund dhe meriton të vlerësohet si Kongresi shpëtimtar i Shqipërisë dhe kombit shqiptar”. Më pas, kryeministri Berisha mori pjesë në aktivitetin e organizuar në qendrën e kulturës “Vaçe Zela”. Në këtë aktivitet u pasqyruan materiale historike, muzikore e letrare, dedikuar Kongresit të Lushnjës, ndërkohë që Trupa e Operës dhe Baletit dhe Ansambli Popullor perfomuan një program artistik në nderim të 92-vjetorit të këtij Kongresi. Në përshëndetjen e tij kryeministri Berisha vlerësoi Kongresin e Lushnjës si njërin nga aktet më të rëndësishme, një nga përpjekjet më të mëdha dhe më themelore të shqiptarëve për të pasur shtetin e tyre të lirë dhe të pavarur. “Nderimi më i madh që ne u bëjmë këtyre burrave, që u bëjmë sot qytetarëve të Lushnjës për sakrificën e tyre, është të lartësojmë gjithnjë e më shumë vlerat e sistemit tonë demokratik, të ecim gjithnjë e më të sigurt në procesin e integrimit tonë në Europë”, – tha Berisha.