Në Shqipëri, ambasadorja amerikane Yuri Kim komenton në një intervistë për Zërin e Amerikës, zhvillimet e fundit në Partinë Demokratike, pas vendimit të kryetarit demokrat Lulzim Basha për të lënë jashtë grupit palamentar ish-drejtuesin dhe ish-kryeministrin Sali Berisha.
Kim flet gjithashtu edhe për pritshmëritë ndaj qeverisë së re të kryeministrit Edi Rama në mandatin e tij të tretë, Reformën në Drejtësi apo dhe rolin e Prokurorisë së Posaçme kundër Krimit të Organizuar dhe Korrupsionit.
Yuri Kim, ka folur për Zërin e Amerikës edhe në lidhje me shpalljen non-grata të ish-kryeministrit Sali Berisha.
Në një pjesë të intervistës të shpërndarë nga VOA në rrjete sociale, Kim thotë se kur Sekretari i Shtetit përcakton dikë për korrupsion domethënës, kjo është shumë e dukshme. Kim thekson se ata që thonë që janë të habitur nga ky përcaktim, nuk po tregohen të sinqertë.
“Mendoj se është e drejtë të thuhet që në shumicën e rasteve në momentin kur dikush përcaktohet nga sekretari i Shtetit për korrupsipon domethënës, zakonisht është shumë e dukshme. Dha ata që thonë që janë të habitur, nuk po tregohen shumë të sinqertë”, thotë Kim.
Intervista e plotë e ambasadores do të transmetohet në orën 18:00.
