Sali Berisha në konferencën e përjavshme me gazetarët ka folur për operacionin e SPAK që u realizua një ditë më parë. Ai tha se operacioni u dekonspirua pasi u arrestuan 7-8 ushtarë por u larguan bosët.
“Nga 32 urdhër – arreste janë arrestuar 7-8 ushtarë kurse bos-ët që të gjithë u larguan pasi u njoftuan, për në drejtime të paditura.
Nuk kam të dhëna se kanë marrë mesazhe dhe telefonata, edhe pse kjo nuk përjashtohet, nga narko policia, prokuroria apo institucione të tjera. Por, një të dhënë e kanë të gjithë shqiptarët. Disa ditë më parë u bë publike se Dumani një vrasës serial është bërë i penduar.
Meqenëse prokuroria dhe kushdo tjetër është i interesuar të gjejë dekonspirimin ky është akti më madho i dekonspirimit. Të gjithë ata që e dinin se kishin bërë porosi tek Dumani apo Dumani dinte aferat e zeza të tyre, sigurisht morën arratinë lehtë e lehtë dhe u zhdukën.
Askush nuk mund të thotë dhe është absurde se kjo ishte e paqëllimshme. Ky njoftim ishte shumë i qëllimshëm sepse çdo boss prapa çdo bosi qëndron një qeveritar, lidhjet direkte të Edi armës, Prokurorëve, policëve etj.
Nuk ishte rastësi kjo që ndodhi. Kjo iu servir shqiptarëve si një sukses.
Ishte një blof.
Mbështes çdo akt dhe përpjekje për ndëshkimin e krimit por dënoj me forcën më të madhe bashkëpunimin me krimin të segmenteve dhe këtij shteti përfshi Edi Ramën.
Deklarata e djeshme e kreut të SPAK se Dumani nuk është i peng duar i drejtësisë. Këtë deklaratë e marr për të vërtetë, sepse ai nuk mund të gënjejë në këtë mënyrë.
Për t’u njoftuar bandat kishte një rrugë, t’u thuhet atyre se Duman i po flet dhe ju jeni të gjithë të arrestuar mbi bazën e dëshmive të tyre.
Ky është një akt shumë i rëndë kriminal. Nuk ka kush ta hetojë sepse kur kreu i SPAK thotë, nuk ka rrjedhje, nuk ka dekonspirim vetëkuptohet që nuk ka hetim. Do të mbulojë atë që nuk ka hetim. Ai e di siç e dini edhe ju që qeveritarët qëndrojnë pas këtyre banditëve”, tha Berisha.
