Pas protestës së të enjtes, ish-kryeministri Berisha ka mbledhur gazetarët në takimin e përjavshëm, ku ndër të tjera ka folur për ardhjen e tij në pushtet.
Ai ka deklaruar, se Partia Demokratike do të vijë në pushtet, një ndër ligjet e para që do të miratojë është heqja e amnistisë për çdo kryeministër në 30 vitet e fundit. Sipas tij, kushdo që vjedh, duhet të shkojë menjëherë në burg.
“Ik ishte në kuptimin e dorëheqjes si kryeministër. Nuk përbën amnisti. Unë publikisht kam kërkuar që për kryeministrat të hiqet çdo formë parashkrimi. Ky ligj do hyjë në fuqi dhe do jetë ndër ligjet e para që do vendosë PD kur të vijë në pushtet. Kur vjedh, duhet të shkojë në burg. Një nga ligjet që do vendoset është pikërisht ky. Heqja e amnistisë për çdo kryeministër në 30 vitet e fundit. Edhe për ministrat. Ky parashkrim shndërrohet në lak në fyt për qytetarët”, ka thënë Berisha.
