Pas hyrjes në Kuvend, ish- kryeministri Sali Berisha nuk i ka kursyer akuzat. Ai akuzoi Lulzim Bashën si të përfshirë në aferën e inceneratorëve.
Po ashtu, Berisha theksoi se Klodian Zoto dhe Stela Gugallja, të shpallur tashmë në kërkim ndërkombëtar për këtë çështje, kanë qëndruar të fshehur në Lushnjë, ku edhe janë kërcënuar.
“Pas 3 muajsh, zero hetim sepse janë të zhytur si Edvin Droga dhe Lulzim Brava. Në këtë krah, janë bërë 298 denoncime dhe të gjitha mbeten në heshtje sepse Lulzim Brava, i implikuar në këtë aferë, në fund lejoi që të publikohen deklarata nga PD. Nuk ka aferë më flagrante vjedhje të përbashkët në Shqipëri.
Zoton e kanë mbajtur të fshehur kaçak në Lushnjë, deri para dy ditësh, bashkë me Gugallja dhe i kërcënonte. Kjo aferë duhet të hetohet. Natyrisht, kushti i parë nga deputetët që nuk kanë asnjë lidhje me aferën. Në të dy anët, Brava është me dy krahët. Na thuaj pak se çfarë janë udhëtimet e tij me Zoton? Pse nuk lejonte denoncimet nga aktivistë të PD-së? Të gjithë janë ujdi me kreun e Meduzës”, tha Berisha.
