Ish-kryeministri Sali Berisha ka debatuar me drejtuesen e seancës plenare Ermonela Felaj, për shkak se kjo e fundit i ndërpreu fjalën në Kuvend.
Në debat u përfshi edhe deputeti Flamur Noka, i cili u afrua pranë foltores me një letër në dorë. Në atë moment ndërhyri edhe garda për të penguar deputetin Noka.
Pjesë nga replikat
Flamur Noka: Kush je ti? Ndaje kohën si është për t’u ndarë.
Ermonela Felaj: A ka mundësi të ulesh? Nuk më impresionon fare sjellja juaj.
Flamur Noka: Kohën e ndajmë vetë. Kush je ti?
Ermonela Felaj: Kohën e ka vendosur rregullorja. Grupi i PS ka marrë 120 minuta. Grupi i PD ka marrë 70 minuta. Keni regjistruar emrin të gjithë.
Edhe deputeti Edmond Spaho protestoi për ndarjen e kohës, duke deklaruar se grupit të tyre po u hiqet e drejta për të folur pa asnjë të drejtë.
Të njëjtin qëndrim pati edhe deputetja Albana Vokshi. “Ju kujtoj që jeni në shkelje të kushtetutës dhe të rregullores. Sa herë vjen radha për të folur Berisha sajon 1001 marifete”, deklaroi Vokshi.
