Ish-ministri socialist, Arben Malaj ka komentuar emërimin e Besart Kadisë, ish-këshilltari i kryetarit të PD, dhe sekretar në këtë forcë politike, si zv/ministër i Financave në qeverinë Rama.
Përmes një postimi në rrjetet sociale, Malaj i është rikthyer replikave të dikurshme me Kadinë, kur ky i fundit e quante qokë emërimin e Malajt si anëtar të Këshillit Mbikëqyrës të Bankës së Shqipërisë.
Por Besart Kadia i ka dalë në “shteg” Arben Malajt me lëvizjen e fundit. Malaj shkruan në Facebook se Besard Kadia bëri një zgjedhje persona dhe nuk duhet paragjykuar, por “integriteti dhe kredibiliteti jane parakushte per cdo ambicie ne jete“.
“Ndërsa fenomeni “Kadia” mbetet shqetësues për shoqërinë tonë”, shton ai.
Postimi i Arben Malajt
Miremengjesi, ka shume debat per emerimin e Bes-Artit nga Rama si zvminister I financave. E para individi Kadia eshte I lire te bej dhe ri bej zgjedhjet dhe perzgjedhjet e tij edhe politike. Ndersa fenomeni “Kadia” mbetet shqetesues per shoqerine tone.
Ndersa PD e ka respektuar Bes-Artin edhe kur e ka shkarkuar sepse nuk e ka bere publike shkarkimin, Kadia duhet ta bente publike divorcin e tij me PD.
Mungesa e sinqeritet publik eshte nje risk ne manaxhimin e finacave publike, gjithashtu 😃
Bes-Arti po perbetohet se kete gje po e ben per te miren e Shqiperise- le te mos e paragjykojme.
Por integriteti dhe kredibiliteti jane parakushte per cdo ambicie ne jete.
Dite te mbare!!
Arbeni
LEXO EDHE:
Reagon babai i zv.ministrit, Ilir Kadia: Për të gjithë ju “miqtë” që gjykuat tim bir
