Aktualitet

Biden: Sulmi tjetër në aeroportin e Kabulit mund të ndodhë brenda 24-36 orëve














Bëni LIKE faqen zyrtare në Facebook
               Publikuar në : 08:44 - 29/08/21 |
mapo.al

Presidenti amerikan Joe Biden paralajmëroi se një sulm i ri në aeroportin e Kabulit në Afganistan “ka shumë të ngjarë” të ndodhë “brenda 24-36 orëve të ardhshme“.






Në një deklaratë, pas takimit me këshilltarët e tij të sigurisë, ai tha se komandantët ushtarakë e kishin informuar për mundësinë e një sulmi të tillë në orët e ardhshme. “I udhëzova ata të marrin të gjitha masat e mundshme, duke i dhënë përparësi mbrojtjes së forcës (amerikane)” vuri në dukje ai.


Presidenti amerikan kujtoi se situata në terren në Afganistan është ende “jashtëzakonisht e rrezikshme” dhe siguroi se goditja kundër luftëtarëve të Shtetit Islamik të Khorasan (ISIS-K) nuk do të jetë e fundit.







“Ne do të vazhdojmë të ndjekim këdo që është i përfshirë në këtë sulm të tmerrshëm dhe ne do t’i bëjmë ata ta paguajnë” shtoi ai. Ndërkohë, Pentagoni njoftoi se dy anëtarë të “ISIS-K” ishin vrarë dhe një xhihadist i tretë ishte plagosur në një sulm me dron kundër një objektivi të tyre në provincën Nangarhar. Uashingtoni nuk zbuloi emrat e viktimave, duke thënë vetëm se ishte një organizator dhe një autor.

Lexo edhe :  Joe Biden uron Pavarësinë e Shqipërisë: SHBA, krenare t'ju ketë miq të ngushtë



Në të njëjtën kohë, sipas Uashingtonit, ushtria amerikane tashmë ka filluar procesin e tërheqjes nga aeroporti. 1,400 persona që do të hipnin sot në fluturime tashmë janë kontrolluar dhe regjistruar, në nisjet e fundit që janë planifikuar deri të martën.



Sidoqoftë, sipas Departamentit të Shtetit, rreth 350 amerikanë janë ende duke kërkuar një rrugëdalje nga vendi. Në total rreth 111,900 njerëz janë evakuuar që nga 14 gushti sipas shifrave të fundit të qeverisë amerikane.

LEXO EDHE:

SHBA fillon tërheqjen e trupave nga Kabuli

1


Etiketa: , ,

Pas