Aktualitet

Bilanci/ Policët në bandën e kanabisit, 11 të arrestuar dhe 4 në kërkim














Bëni LIKE faqen zyrtare në Facebook
               Publikuar në : 12:00 - 22/10/21 |
mapo.al

Përmbyllet operacioni antidrogë i shtrirë në qarqet Tiranë, Durrës, Lezhë dhe Shkodër ku ishin implikuar dhe punonjës policie.






Megaoperacioni policor i koduar “Qafa e Helmit”, që nisi në orët e para të mëngjesit të datës 20 tetor dhe përfundoi në orët e mbrëmjes së djeshme çoi në arrestimin e 11 personave, 9 në burg dhe dy në arrest shtëpie, ndërkohë 4 të tjerë janë shpallur në kërkim.


Operacioni u zhvillua nga Drejtoria Hetimore, në bashkëpunim me Forcën e Posaçme Operacionale, FNSH, DVP Tiranë, Durrës, Lezhë, Shkodër dhe SHÇBA, për goditjen e veprimtarisë kriminale në fushën e kultivimit dhe trafikimit të lëndëve narkotike pas hetimeve të kryera nga Drejtoria Hetimore në Departamentin e Policisë Kriminale në Policinë e Shtetit, në bashkëpunim me SPAK-un.







Mbi bazën e provave materiale të sekuestruara dhe veprimeve procedurale të kryera janë caktuar masat e sigurisë për veprat penale “Trafikimi i narkotikëve” kryer në bashkëpunim në formën e grupit të strukturuar kriminal dhe “Prodhimi dhe shitja e narkotikëve” kryer në bashkëpunim, në formën e grupit të strukturuar kriminal, si më poshtë:




Masat e sigurimit personal “Arrest në burg” për 9 shtetas:



-Leon Ndrecaj alias Gjin Ndrecaj, 40 vjeç, banues në Gurrat, Lezhë

-Leonard Kola alias Nardi Kola, 33 vjeç, banues në Dragush, Dajç, Lezhë

-Zef Lalaj, 47 vjeç, banues në Shënkoll, Lezhë

-Ilir Prengaj alias Paulin Gjoni, 35 vjeç, banues në Kcirë, Flet, Pukë

-Ylli Veshi, 34 vjeç, banues në Tapizë, Fushë Krujë

-Gjin Kola alias Edi Kola, 35 vjeç, banues në Durrës

-Aleks Këdheli, 35 vjeç, banues në Lufajt, Mirditë

-Tanush Lekgegaj, 45 vjeç, banues në Perlat, Mirditë

-Miri Rrapi, 35 vjeç, banues në fshatin Arrëz, Mirditë

Masat e sigurimit personal “Arrest në shtëpi” për 2 shtetas: S. M. alias S. L., 17 vjeç dhe E. S., 17 vjeç, të dy banues në Dom, Pukë.

Janë shpallur në kërkim 4 shtetas: T. Sh., 33 vjeç, banues në Lezhë, G. M., 31 vjeç, banues në Kalivac, Ungrej, Lezhë, G. S., 44 vjeç, banues në Dom, Pukë (të tre me masë “Arrest në burg”) dhe D. L., 17 vjeç, banues në Dom, Pukë (me masë “Arrest në shtëpi). Vijon intensivisht puna për kapjen e tyre.

Gjithashtu, Gjykata ka vendosur lejimin e kontrolleve në banesa dhe ambiente të ndryshme të shtetasve N. N., M. N., A. V. dhe V. D., si dhe të shtetasve të arrestuar, në Lezhë, Tiranë, Shkodër, Pukë, Durrës.

Janë sekuestruar në cilësinë e provës materiale 3 qese me fara cannabis, një shumë eurosh dhe një automjet.

Hetimet nisën në gusht me kapjen e 4000 rrënjëve kanabis
Ky operacion është në vijim të operacionit policor “Qafa e Helmit 1”, i zhvilluar në muajin gusht 2021, nga ana e Drejtorisë Hetimore, si rezultat i të cilit janë asgjësuar 4000 rrënjë cannabis sativa.

Nga hetimet e kryera ka rezultuar që ky grup kriminal ka organizuar kultivimin e bimëve narkotike në Mirditë, në zonën e fshatit Arëz, Kaçinar, në zonën midis fshatrave Perlat i Epërm dhe Lufajt dhe në Pukë, në vendet e quajtura Qafa e Helmit, fshati Shkozë, Gomsiqe dhe Plet.

Nga ana e Drejtorisë Hetimore në lidhje me këtë procedim janë arrestuar më parë edhe shtetasit:

– P. L., 45 vjeç, të cilit i janë sekuestruar 37 kg e 450 cannabis sativa;

– H. M., 53 vjeç, banues në Kamzë, Tiranë, të cilit i janë sekuestruar 12 kg cannabis sativa;

– N. C., 64 vjeç, banues në fshatin Plet, Pukë, të cilit i janë sekuestruar bimë narkotike të kultivuara në territorin e banesës.

Gjithashtu, shërbimet e Policisë kanë gjetur vendin ku kryhej përpunimi i bimëve narkotike në mes të pishave në fshatrat Gomsiqe e Pletë të Pukës, ku u sekuestruan 28.73 kg cannabis sativa që u gjetën në një vend të përshtatur në formë kasollesh, të mbuluar me plastmas.

Policët e përfshirë
Gjatë hetimeve ka rezultuar që në këtë veprimtari ka të implikuar edhe punonjës policie, për të cilët veprimet procedurale i ndjek SHÇBA.

Të gjitha materialet për ekzekutimin e këtij vendimi i kaluan Prokurorisë së Posaçme kundër Korrupsionit dhe Krimit të Organizuar (SPAK), për veprime të mëtejshme.

1


Etiketa: ,

CLOSE
CLOSE
Pas