Kryesore

Bild i përgjigjet Edi Ramës: Na akuzove? Ja provat e shtetit mafioz






               Publikuar në : 11:33 - 05/06/19 |
mapo.al

Pritej, por nuk mendohej se përgjigjia e gazetës më të madhe evropiane, gazetës gjermane ‘Bild’, do ishte e tillë. Gazetari kryesor i politikës në këtë të përditshme, Peter Tiede, ka publikuar gjashtë përgjime që provojnë se zyrtarët e PS i nënshtrohen ‘drejtuesit të një klani mafioz’ në këmbim të marrjes së votave.


“Paratë e drogës po qeverisin vendin. Kur ‘Bild’ raportoi para pak kohësh për një transkriptim të përgjuar, në të cilin kryeministri Edi Rama e pyet një zyrtar vendor të zgjedhjeve, nëse gjërat kanë shkuar ashtu siç ishte rregulluar, qeveria u zemërua: ‘Bild’ është një gazetë e blerë, pretendimet (që në fakt bazohen në dokumentet e hetuesve shqiptarë dhe të Evropës Perëndimore) janë krejtësisht të pabaza. Edhe hetuesit shqiptarë e konfirmojnë vërtetësinë e telefonatave”, shkruan gazetari.

“Por tani Bild ju sjell përgjimet telefonike, duke treguar se si përpara zgjedhjeve të vitit 2017, një baron famëkeq i drogës blen votat për Partinë Socialiste të Ramës. Ai siguron që një politikan i caktuar të futet në parlament. Ne po u tregojmë gjashtë përgjime konkrete”.

“Rasti konkret është vetëm një nga dhjetëra anembanë Shqipërisë. Shumica e tyre – janë akoma nën qilim. Hetuesit që punojnë për këto raste ose janë heshtur, ose kanë ikur jashtë vendit”, vijon gazetari.

“Edhe Rama vetë konsiderohet si një njeri me lidhje të ngushta me mafian e drogës: hetuesit perëndimorë dhe opozita shqiptare e akuzojnë atë se ka blerë votat me paratë e drogës,” thuhet në shkrim.

Lexoni më poshtë shkrimet mbi gjashtë përgjimet:

Përgjimi i parë i Bild: Avdylaj kërcënon votuesit te Ujësjellësi

Përgjimi i dytë i Bild: Avdylaj vendos për kandidatët në listën e PS

Përgjimi i tretë i Bild/ Avdylaj: Do e habis Ramën me rezultat 10:0

Përgjimi i katërt i Bild/ Shteti i PS u bindet urdhrave të Avdylaj

Përgjimi i pestë i Bild: Si Astrit Avdylaj i blen votën një personi

‘Bild’ publikon ‘bombën’: Kryemafiozi vë në rresht kryebashkiakun


Etiketa: , , , , ,

Pas