Miliarderi dhe filantropi Bill Gates i shtohet radhës së të vaksinuarve kundër Covid-19.
Ai ka postuar së fundmi në Twitter një foto ku shihet teksa merr dozën e parë të vaksinës, me maskë në fytyrë.
Gates gjithashtu shfrytëzon hapësirën përmbi foto për të falenderuar shkencëtarët, pjesëmarrësit në hulumtime, si dhe bluzat e bardha që i mundësuan botës një armë kundër virusit vdekjeprurës.
“Një nga përparësitë e të qenit 65 vjeç është se i përmbush kushtet për vaksinën kundër Covid-19. Kam marrë dozën time të parë këtë javë, dhe ndihem për mrekulli. Faleminderit të gjithë shkencëtarëve, pjesëmarrësve në prova, rregullatorëve dhe punonjësve të vijës së parë të kujdesit shëndetësor që na çuan në këtë pikë”, – shkruan Gates.
Risjellim në vëmendje se Bill Gates është bashkëudhëheqës i fondacionit Bill & Melinda Gates, si dhe financues i fuqishëm në shpërndarjen e testeve, trajtimeve dhe vaksinave anti-Covid nëpër botë.
Postimi i filantropit Bill Gates në Twitter:
One of the benefits of being 65 is that I’m eligible for the COVID-19 vaccine. I got my first dose this week, and I feel great. Thank you to all of the scientists, trial participants, regulators, and frontline healthcare workers who got us to this point. pic.twitter.com/67SIfrG1Yd
— Bill Gates (@BillGates) January 22, 2021
