Gazetari Blendi Fevziu është bërë nostalgjik dhe ka ndarë dhe ka ndarë për miqtë dhe ndjekësit e tij një foto të shkurtit të vitit 1992.
Në foto shihen, Gramoz Pashko, Alfred Zijai dhe vetë gazetari. Përmes një përshkrimi të shkurtër Fevziu tregon kohën se kur është shkrepur fotoja. Fevziu tregon se është koha kur Gramoz Pashko është kandidat për deputet i PD-së në zonën e Lumit të Vlorës, për zgjedhjet e 22 marsit 1992.
Gazetari flet me superlativa për Gramoz Pashkon dhe Alfred Zijai, që në atë kohë ishte shef i stafit lokal të Pashkos.
Mes te tjerash, Fevziu përmend që të dy kanë vdekur në moshë të vogël, njeri 51 dhe tjetri 52 vjeç, duke përshkruar edhe mënyrën dhe kohën kur dy miqtë e gazetarit u ndanë nga jeta.
Postimi i plotë i Blendi Fevziut
Kjo foto e 31 viteve me pare eshte realizuar ne Vlore, ne Shkurt 1992. I takon fushates se dyte elektorale ne shqiperine pluraliste, asaj per zgjedhjet e 22 marsit 1992.
Ne mes eshte Gramoz Pashko, kandidat per deputet i PD ne zonen e Lumit te Vlores. Majtas eshte Alfred Zijai, shef i stafit lokal te Pashkos.
Te dy figura tejet te njohura te kohes. Pashko nje nga themeluesit e PD, politikan brilant e me ndikim dhe ish zv.Kryeminister ne qeverine e pare me baze te gjere, ate te stabilitetit.
Zijai, futbollist i famshem i Flamurtarit te arte te viteve ‘80 – te dhe i kombetares shqiptare. Ne tavoline eshte lap topi i pare qe perdorej ne Shqiperi, nje Toshiba qe Pashko e merrte kudo me vete, bashke me printerin.
Foto eshte ne fund te nje dite te gjate me takime ne shtepine e Fredit. Pashko dhe Zijai nderruan jete thuajse ne te njejten moshe. Pashko me 2006, 51 vjecar dhe Zijai me 2013, 52 vjec.
Helikopteri qe po transportonte Pashkon e aksideruar ne bregdetin e Palases humbi lidhjet me aeroportin e Barit 20 minuta perpara se te ulej.
Pjeset e helikopterit u gjeten ne thellesi te Adriatikut disa muaj me vone. Bashke me te fluturonte edhe i biri, Rubeni, nje mjek dhe dy pilotet.
Zijai nderroi jete nga nje semundje e papritur.
Isha 22 vjecar ne ate foto dhe ende e kujtoj pasionin e jashtezakonshem qe ata kishin per te ndryshuar sa me shpejt kete vend.
