Aktualitet

Bojkoti i PD, LSI: Kërkuam që përbërja e komisioneve të bëhej seancën tjetër














Bëni LIKE faqen zyrtare në Facebook
               Publikuar në : 20:00 - 13/09/21 |
mapo.al

Lëvizja Socialiste për Integrim ka reaguar lidhur me situatën e krijuar pasditen e sotme në parlament e cila u bojkotua nga deputetët e Partisë Demokratike pak pas nisjes për shkak të propozimeve për komisionet parlamentare.






Në njoftimin zyrtar LSI bën me dije se asnjë nga deputetët e LSI, nuk është lajmëruar në mënyrë që të bëjnë propozimet e tyre në lidhje me pjesëmarrjen në komisionet parlamentare.


Më tej thuhet se Lindita Nikolla pranoi kërkesën e LSI dhe për këtë arsye miratimi i përbërjes së komisioneve parlamentare u shty për në seancën tjetër.







“Një sqarim lidhur me situatën e krijuar në seancën e sotme. Shërbimi i Seancave në Kuvendin e Shqipërisë nuk ka lajmëruar asnjë nga deputetët e LSI, në mënyrë që të bëjnë propozimet e tyre në lidhje me pjesëmarrjen në komisionet parlamentare. Kryetarja e Kuvendit, Lindita Nikolla pranoi kërkesën e LSI dhe për këtë arsye miratimi i përbërjes së komisioneve parlamentare u shty për në seancën tjetër”, thuhet në reagimin e LSI.

Lexo edhe :  LSI pa grup parlamentar, Mehmetaj: Nuk i kemi kërkuar deputetë PD-së


Mirëpo, kryedemokrati Lulzim Basha akuzoi kryetaren e Kuvendit, Lindita Nikolla se po shkelte rregulloren e Kuvendit që në nisje të legjislaturës së re, ndërsa u largua nga salla bashkë me grupin parlamentar.



Në një reagim më pas, kreu i grupit parlamentar demokrat, Alfred Rrushaj u shpreh se mazhoranca po tenton të zvogëlojë përfaqësimin e opozitës në Kuvend.

I gjithë debati ka të bëjë me numrat e përfaqësimit të mazhorancës dhe opozitës në komisionet parlamentare. Pranimi i kërkesës së LSI për të qenë prezente me deputetët e saj në komisione, bën që të rishikohet edhe njëherë ndarja e përfaqësimit mazhorancë-opozitë.

LEXO EDHE: 

Debati në seancë, Rrushaj: Pse opozita braktisi Kuvendin

 

1


Etiketa: , ,

CLOSE
CLOSE
Pas