Dietologia e njohur Blerina Bombaj u ka dhënë së fundmi ndjekësve të saj në “Instagram” një mesazh tepër të vlefshëm, që lidhet me dashurinë dhe respektin ndaj vetes. Krahas fotos së publikuar ku shihet në profil dhe me peshqir në kokë, ka shkruar se askush nuk është perfekt. Sipas Blerinës, nëse duam të jemi të bukur, investimi duhet të nisë fillimisht nga cilësitë karakteriale. Por, dikush duket se është ndalur tek hunda e saj. Duke i qëndruar besnike mesazhit të përcjellë, Blerina nuk e ka kursyer përgjigjen.
“Dhe sa më shumë i rregullon ato brenda, aq më pak të mbeten për të rregulluar nga jashtë. Madje edhe ato që të mbeten, fillojnë e të pëlqejnë sepse në fund ke kuptuar që je ti një e vetme në gjithë rruzullin tokësor”- është shprehur fillimisht midis rreshtash Blerina Bombaj. “Hunda, e cila më pëlqen pafund. Më bën të ndihem kaq e veçantë sa nuk ka. Nuk di sa e zakonshme mund të isha me një hundë të vogël”- ka shkruar më tej ajo, duke iu përgjigjur kështu ndjekësit që i komentoi hundën.
https://www.instagram.com/p/B0G2h_whDg9/
