Të gjithë mund ta kenë vënë re se OSBE është treguar më e ashpër nga të gjithë selitë ndërkombëtare në Tiranë pas shpërthimit të protestave të opozitës. Në fakt, misioni i OSBE është që të jetë një gardiane e zgjedhjeve në vend, por opozita po proteston pikërisht se në vend nuk mbahen zgjedhje të lira dhe të ndershme. Më interesant akoma janë disa qëndrime publike ose jo të OSBE, për të cilat është folur gjatë në Shqipëri.
Në vitin 2015, portali Lapsi.al e nisi jetën e tij duke publikuar një raport sekret të OSBE për pasurinë e politikanëve në vend. Në raport thuhej se Edi Rama ka një pasuri prej 200 milionë eurosh.
“Edi Rama (PS): Kryetar i PS, Kryetar i Bashkisë së Tiranës 2000 – 2011 dhe tani Kryeministër. Është folur shumë në lidhje me dyshimet për përfitimin e një tarife për lejet e ndërtimit, me rreth 10 – 20 % të vlerës së ndërtesave. Shumë i kujdesshëm për të operuar nëpërmjet personave të tretë, ai ka mohuar vazhdimisht çdo përfshirje në korrupsion apo krime. Pasuria e tij përflitet të jetë rreth 200 milionë euro, të investuara në kompani “offshore” përmes vëllait të tij, Olsit, në Shtetet e Bashkuara të Amerikës”.
Raporti nuk u provua kurrë si i vërtetë, por provokoi një valë me reagime në media dhe politikë.
Kur ky raport ishte harruar, kreu i OSBE, Bernd Borchardt bëri një koment përpara zgjedhjeve të vitit 2017, që bëri shumë bujë.
Duke folur për Ilva Taren, ai tha se “qarkullojnë më shumë se 2 miliardë euro para të pista. Pra ekziston risku se këto para mund të përdoren për të blerë deputetë”.
Disa muaj pas mbarimit të zgjedhjeve, Borchardt mbajti një fjalim të fortë në Kuvend.
“Regjimet shtypëse bien me revolucion, por ideologjia e tyre mund të vazhdojë nëse ato nuk diskreditohen,” tha ai me rastin e 70-vjetorit të vrasjes së grupit të deputetëve nga regjimi komunist.
Ne nje raport tjeter sekret te OSCBE thuhet qe Rama ka edhe 200 miliarde te tjera poshte jastikut. Do i perdori per te ble xhakete antiplumb tani qe do iki nga kministia