Dy zëvendës ministre të reja në kabinetin e qeverisë.
Vendimi është marrë në mbledhjen e sotme të qeverisë, ku është liruar nga detyra si zëvendësministër i Arsimit, Sportit dhe Rinisë, Aspasjana Kongo.
Ndërkohë që zëvendës ministrja e re e Arsimit do të jetë Bora Muzhaqi, e cila ishte zëdhënëse e fushatës së PS-së, njëkohësisht dhe kandidate për deputete.
Një tjetër lëvizje dhe tek Ministria e Mbrojtjes, ku është vendosur zëvendësministre Dallëndyshe Bici, e cila ishte kandidate për deputete në Tiranë.
Vendimet e marra sot në mbledhjen e qeverisë hyjnë në fuqi menjëherë.
