Mbretëria e Bashkuar është në drejtimin e duhur për të hequr rregullin e distancimit social, tha sot kryeministri Boris Johnson
Administrata Johnson ka përcaktuar një udhërrëfyes për t’i dhënë fund bllokimeve në faza, pasi vaksinimet ndihmojnë në frenimin e infeksioneve.
21 qershori është caktuar si data në të cilën mund të hiqen rregullat e distancimit social.
I pyetur për mundësinë, gjatë një vizite në veri të Anglisë, Johnson u përgjigj: “Unë mendoj se shanset janë të mira, që ne të mund të heqim distancën më shumë se një metër”.
Faza tjetër e planeve të qeverisë për heqjen e kufizimeve është data 17 maj, kur kufizimet për udhëtimet jashtë vendit pritet të lehtësohen, por jo të hiqen.
