Botërori i fundit e renditi atleten shqiptare në vendin e 5-të, duke përmirësuar dhe rekordin kombëtar në garën e 3000 metrave me pengesa me kohën e re, 9.10.04.
Ky rezultat vjen pak ditë pas medaljes së arit që fitoi atletja në Lojërat Mesdhetare, duke lartësuar së bashku me trajnerin profesionist Taulant Stermasi, emrin e sportit dhe kombit shqiptar, në arenën ndërkombëtare.
Mes urimeve të shumta, Presidenti Ilir Meta ka përgëzuar atleten për rezultatin e fundit në Kampionatin Botëror të Atletikës që u zhvillua në SHBA.
“E pesta në botë!”
“Sukses i jashtëzakonshëm i kampiones, Luiza Gega në finalet e Botërorit!”
“Urimet më të përzemërta për këtë arritje të shkëlqyer për Atletikën tonë!”, shkroi Meta, në profilin e tij zyrtare Facebook, lidhur me suksesin e atletes.
