Ish-deputeti i PS-së, Spartak Braho tha se Meta së bashku me Berishën janë bërë palë.
I ftuar në “Frontline” në “News 24”, ai u shpreh se vendimi i Metës për të dekretuar zgjedhjet e pjesshme lokale në mars ishte i nxituar.
“Zgjedhjet mund të bëheshin edhe më mirë nëse bëheshin ndryshime në kodin zgjedhor. E mira ishte të bëheshin tani. Presidenti ka nxituar dhe ka vrapuar në Shkodër. Kjo vizitë është llogaritur nga Meta dhe Berisha që mundet që e vetmja bashki që mund të votohet nisur edhe nga tradita. Mund edhe ta marrin. Janë bashkë, Meta dhe Berisha. Ky gjest i vë kapakun turpit të madh që Meta legalizon koalicionin me Sali Berishën. Tenxherja ka gjetur kapakun. Meta shkon në Shkodër ku firmosi marrëveshjen me Ramën”, u shpreh ai përveç së tjerash. /Mapo.al
