Ish-deputeti socialist, Spartak Brhao ka përfunduar në Prokurorinë e Posaçme kundër Krimit dhe Korrupsionit.
Shkak është bërë deklarata e tij, se gjatë protestës së thirrur nga Sali Berisha për të hyrë në selinë e PD-së, do të mbetej viktimë një deputet.
Ka qenë pikërisht Komisioni i Rithemelimit i Partisë Demokratike që ka depozituar një kallëzim penal ndaj Spartak Brahos.
Braho akuzohet nga Komisioni i Rithemelimit për kryerjen e veprës penale të shpifjes.
Para protestës së 8 janarit, ish-deputeti, në një studio televizive paralajmëronte se tubimi i thirrur nga Sali Berisha do të kishte skenarë të dhunshëm, madje, sipas tij, do të përfundonte edhe me viktima, duke përmendur një deputet me inicialet E.A.
