Aktualitet

Braimllari: Hapja e kutive në Berat tregoi masakrën elektorale














Bëni LIKE faqen zyrtare në Facebook
               Publikuar në : 20:01 - 17/05/21 |
mapo.al

Sekretari i Përgjithshëm i Lëvizjes Socialiste për Integrim, Endrit Braimllari, ka deklaruar se hapja e kutive në Beratit tregon masakrën elektorale të 25 prillit dhe vërteton pretendimet e LSI-së.






Ai shprehet se kutitë janë mbushur duke përdorur çdo strukturë në funksion të qeverisë.


Sipas Braimllarit, KQZ ka futur duart në kutitë e materialeve zgjedhore.





Deklarata e plotë e Sekretarit të Përgjithshëm të LSI, Endrit Braimllari



Mirmbrëma!



Hapja e kutive të Beratit tregon qartë masakrën elektorale të 25 prillit. Rilindja, jo vetëm përdori administratën publike, Policinë e Shtetit, grupet e strukturuara kriminale por dhe ka ndërhyrë në proces duke deformuar vullnetin e qytetarëve brenda në kuti.

Hapja e kutive të sotme vërtetoi pretendimet e drejta të Lëvizjes Socialiste për Integrim se mandati i Beratit dhe jo vetëm është grabitur nga Partia Socialiste.

Sot, u bë e qartë për të gjithë shqiptarët skema e manipulimit të procesit zgjedhor duke përdor edhe teknologjinë e cila duhet të ishtë një garanci në këtë proces.

Vetëm në Berat u vërtetua se të paktën 19 shtetas kanë votuar 53 herë, skemë kjo e cila është përdorur në të gjitha qarqet e vendit duke manipuluar procesin e zgjedhjeve.

Lexo edhe :  Juristi i PD, Logu nxjerr dokumentat: 3 prova që nxjerrin 100 parregullsi

Nga hapja e kutive, u pa qartë se ka më shumë fletë votimi sesa vetë numri i votuesve. Pra, qartazi kutitë janë mbushur duke përdorur çdo strukturë në funksion të qeverisë.
Këto manipulime, vërtetojnë qartazi se në procesin e 25 prillit, Rilindja jo vetëm deformoi vullnetin e qytetarëve por dhe i vodhi zgjedhje duke ndërhyrë drejtëpërdrejtë në kuti.

Lëvizja Socialiste për Integrim do të bëjë publike, fakte të tjera sesi ky proces është manipuluar përpara ditës së votimit, ekzekutuar gjatë procesit të votimit dhe ka vazhduar hapur në KQZ.

KQZ ka futur sot duart në kutitë e materialeve zgjedhore. Ka futur nga jashtë materiale që nuk janë në kutinë e materialeve zgjedhore. Raporti i pajisjes elektronike i konfirmuar edhe nga numëruesit socialistë në Berat, njëkohësisht edhe nga hapja e kutive nuk ndodhej në kutitë e materialeve zgjedhore por është futur dorazi nga jashtë nga ana e administratës së KQZ duke kompromentuar të gjithe procesin.

<
>
f81a74b2-bd0c-4c2f-8364-9d4714505c4c 991567d7-1233-4f03-bfe1-7b32b117a314-640x855 faf850d1-f90e-45bf-bcca-fc30d1d4bb21-640x853
14


Etiketa: , ,

Pas