Kandidati i LSI për deputet në Qarkun e Korçës, Indrit Braimllari ka zhvilluar një takim me të rinj në Maliq, të cilët janë afruar për herë të parë në LSI.
Të rinjtë kanë ngritur shqetësime për mungesën e vendeve të punës.
“Të rinjtë duhet të dëgjohen pasi idetë e tyre janë transformuese për vëndin. Të rinjtë i bëri bashkë në këtë kauzë, abuzimi me pushtetin, mungesa e shpresës dhe e vëndeve të punës”, thotë Braimllari në një postim në Facebook, duke premtuar se kjo situatë do të ndryshojë pas 25 prillit.
“Do punojmë të gjithë në ekip për të kthyer shpresën në Maliq për të shkatërruar politikën e monopolit, për t’a kthyer Bashkinë e Maliqit tek qytetarët e ndershëm që duan të punojnë dhe të kontribuojnë në vënd”, thekson Braimllari.
Postimi i Ibraimllarit
Kënaqësi sot të prisja në LSI Maliq një ekip të rinjsh që afrohen për herë të parë në LSI. Të rinjtë duhet të dëgjohen pasi idetë e tyre janë transformuese për vëndin. Të rinjtë i bëri bashkë në këtë kauzë, abuzimi me pushtetin, mungesa e shpresës dhe e vëndeve të punës. Do punojmë të gjithë në ekip për të kthyer shpresën në Maliq për të shkatërruar politikën e monopolit, për t’a kthyer Bashkinë e Maliqit tek qytetarët e ndershëm që duan të punojnë dhe të kontribuojnë në vënd. Beteja jonë është për t’a bërë Maliqin dhe Shqiperine_Shtëpinë_Tonë🇦🇱
