Brazili pa Neymar, por e nis në mënyrën më të mirë kupën e Amerikës Latine, duke fituar 3 me 0 ndaj Bolivisë. Të 3 golat janë shënuar në pjesën e dytë. Kutinjo ka shënuar fillimisht me penallti dhe më pas me kokë, duke i siguruar fitoren Brazilit. Goli i tretë është shënuar nga Everton, në minutat e fundit të ndeshjes.
Në këtë mënyrë Brazili hedh një hap të sigurt drejt kualifikimit për në fazën tjetër. Sot në mesnatë do të zbresë në fushë Argjentina e Lionel Messit.
