Brazili i yjeve nuk ka shkuar më shumë se një barazim 0 me 0 me Paraguajin. Kjo ka bërë që skuadrat ti drejtohen pikës së bardhë të penalltive, ku Brazili ishte më i saktë, duke u kualifikuar për në gjysëmfinalen e kupës së Amerikës Latine.
Ndeshja për Brazilin ka qënë më shumë raste, por pa mundur të finalizojnë dot. Në ruletën e penalltive, ishte portieri i Brazilit Alison, i cili priti penalltinë e parë, duke u dhënë forcë shokëve të skuadrës. Brazili tashmë është në pritje të ndeshjes Argjentinë-Venezuelë, për të mësuar kundërshtarin. Nëse Argjentina fiton, atëherë në gjysëmfinale do të kemi një klasike botërore, Brazil-Argjentinë.
