Takimi i ardhshëm për dialogun Kosovë-Serbi do të mbahet më 7 korrik në Bruksel. Datën e konfirmoi zëdhënësi i BE-së, Peter Stano.
“Mund të konfirmoj se takimi i ardhshëm në kuadrin e Dialogut Beograd-Prishtinë në nivelin e kryenegociatorëve do të zhvillohet në Bruksel këtë të mërkurë 7 Korrik”, tha Stano në një përgjigje për “Zërin”.
Ndërsa theksoi se takimi i kryeministrit të Kosovës, Albin Kurti me presidentin serb Aleksandar Vuçiç do të mbahet kur të pajtohen të dyja palët.
“Sa i përket takimit të Nivelit të Lartë midis Kryeministrit të Kosovës dhe Presidentit serb, ne do të njoftojmë për një takim të tillë kur të jetë e përshtatshme”, përfundoi Stano.
LEXO EDHE:
Varhelyi: Të përshpejtohet integrimi i Ballkanit por duhet të jeni të bashkuar
