Viola Spiro është padyshim një nga prezantueset më të bukura dhe të thjeshta të televizionit shqiptar. Ajo dhe Bora Zemani, mund të cilësohen pa asnjë dyshim vajzat më simpatike (natyrale) të ekranit sportiv në Shqipëri. Të dyja bukuroshet e kanë nisur eksperiencën në televizion si velina, për të kaluar më pas si prezantuese. Modelja korçare tashmë është pjesë e TVSH-së, ku drejton emisionin e Europa League ndërsa Bora vazhdon aventurën në SuperSport, këtë vit në Bar Skedina. Të dyja janë ambientuar mjaft mirë në gjirin e futbollit dhe janë pritur pozitivisht nga tifozët e ekranit shqiptar. Momentalisht të dyja prezantueset janë me pushime dhe duket që po i shijojnë mjaft. Viola ndodhet me mikeshat e saj në bregdetin e bukur të jugut ku ka shkrepur edhe disa foto tepër “hot”.
Në një postim të fundit të bërë në “Instagram”, moderatorja e SuperSport ka “provokuar” paksa ‘rivalet’ e saj bionde ndërsa ka shkruar në gjuhën angleze: “Më vjen keq, por në fund, fitojnë gjithmonë brunet”. Nuk dihet ende se me çfarë qëllimi dhe kujt i është adresuar bukuroshja, por kujtojmë që në SuperSport, gazetaret dhe prezantueset janë brune ndërkohë në TVSH Sport, janë bionde, përveç Hygerta Sakos.
Megjithatë të gjitha vajzat e SuperSport janë tejet simpatike, sikurse Ilda Bejleri, Vilma Masha, Sidorela Gjoni, Bora Zemani dhe e risia, Lei Kraja. Ashtu sikurse edhe gazetaret e TVSH Sport, Hygerta Sako, Pejana Elezi, Viola Spiro, Trevisa Tufa dhe Sabina Mete. Në fund, i mbetet tifozëve të vlerësojnë, por ne zgjedhim bionden Viola dhe brunën Bora.
