Aktualitet

Çadra në 4 metër distancë, si do hapet sezoni turistik në Shqipëri





Bëni LIKE faqen zyrtare në Facebook
               Publikuar në : 17:36 - 02/05/20 |
mapo.al

Sezoni turistik në vend do të hapet në masa të rrepta sigurie, për të shmangur rrezikun e transmetueshmërisë së koronavirusit.


Ministria e Turiuzmit ka bërë gati një draft paraprak të një protokollit të sigurisë që duhet të ndjekin turistët, duke nisur nga distanca në çadra, hotele dhe mjete të transportit publik. Në këtë draft thuhet se çdo sipërmarrje duhet të afishojë protokollin e sigurisë për t’ia bërë të qartë vazhdimisht vizitorëve


Broshurat duhet të jenë minimalisht në dy gjuhë, shqip dhe anglisht. Stafi duhet të pajiset me pajisje mbrojtëse për të shërbyer të pajisur me maska dhe doreza Në çdo hyrje ambienti, vizitorit i matet temperatura, dhe në rast se ajo rezulton e lartë komunikohet pranë autoriteteve.


Një turist që shfaq simptoma duhet të izolohet nga kalimtarë të tjerë, të pajiset me maskë dhe doreza, të mos qëndrojë në ambiente kur riciklohet ajri, të përdorë veshje një përdorimëshe


Mjetet e transportit turistik duhet të marrin masat për t’u kontrolluar përpara se të nisin veprimtarinë. Ato duhet të dezinfektohen bashkë me sendilet të cilat mund të kontaktohen me duar.

Shoferi dhe shoqëruesi i tij duhet të mbajnë maskë dhe doreza si dhe të informojnë pasagjerët mbi rëndësinë e mbajtjes së distancës fizike 1 metër mes tyre. Rekomandohet që pasagjerët të mos ulen direkt pas njëri tjetrit por në formë diagonale.

Matja e temperaturës duhet të bëhet edhe në hyrje të çdo hoteli, ndërkohë që klientët duhet të kenë në dispozicion masa, doreza dhe solucione alkooli.

Punonjësit e hotelit duhet të trajnohen paraprakisht për masat anti-covid, ndërkohë që recepsioni duhet të vërë në dispozicion numrat e telefonit. Në përfundim të turnit, rekomandohet që sipërfaqet të dezinfektohet me alkool.

Çelësat e dhomave duhet të pastrohen dhe zëvendësohen sa herë që ndryshon grupi i vizitorëve, si dhe duhet pastruar me kujdes doreza e derës.

Stafi i pastrimit duhet të pajiset me veshje mbrojtëse dhe të pastrojë me kujde të gjithas sipërfaqet që mund të ndoten me sekrecione të frymëmarrjes. Në mini-bar rekomandohet që lahen imtësisht tabakatë, gotat, lugët dhe filxhanët sa herë që vizitori ndryshon.

Ndalohet përdorimi i ashensorëve më shumë se dy veta që nuk janë pjesëtar të së njëjtës familje, ndërsa butonat e tij duhet të pastrohen periodikisht. Parkimi i makinave rekomandohet të bëhet nga vetë turisti, në rast të kundërt, operatori duhet të veshë doreza, maskë dhe të sigurohet që kondicionimi të jetë i fikur.

Në udhëzues ka rregulla strikte për përgatitjen e ushqimit. Një person që gatuan nuk duhet të konsumojë duhan, pështyjë apo përtypet, si dhe ndalohet shijimi i ushqimit me gishta. Ndalohet vetëshërbimi si dhe përdorimi i makinerive të kafesë dhë lëngjeve duhet të bëhet vetëm nga personeli.

Tavolinat në bare dhe restorante duhet të ruajnë një masë prej 4 personash në çdo 10 metra katrorë, ndërsa klientët duhet të ulen përballë në një distancë prej 1 metër. Këndet për fëmijë në ambientet e hotelit do të qëndrojnë të mbyllura, ndërkohë që pishinat dhe SPA-të do t’i nënshtrohen një procedure mjaft të rreptë.

Shezlonget e pishinës duhet të jenë në grupe dyshe me distance distance të paktën 2 metra larg nga njëri grup tek tjetri. Ndërkohë gjatë larjes në det turistët duhet të mbajnë distancë prej tre metrash me përjashtim të rasteve kur prindërit kujdesen për fëmijët.

Në tavolina kafeve pranë bregdetit nuk duhet të qëndrojnë persona që nuk janë anëtarë të një familje, ndërkohë që distanca duhet të respektohet edhe në marrjen e ushqimit apo gjatë shëtitjes.

Çadrat duhet të vendosen në një distancë prej 10 metrash nga vija e bregdetit ndërkohë që ato duhet të jenë të paktën 4 metra larg njëra tjetrës.


Etiketa: , , , ,

Pas