Aktualitet

Ceremonia në nderim të Hasanaj/ Rama: Sakrifikoi për atdheun








Bëni LIKE faqen zyrtare në Facebook
               Publikuar në : 12:42 - 10/05/19 |
mapo.al

Në ceremoninë shtetërore, ku janë mbajtur homazhet në nderim të ushtarakes së vrarë në Letoni, Zarife Hasanaj, kryeministri i vendit Edi Rama ka mbajtur fjalën e tij. Duke ngushëlluar familjen, Rama tha se është e vështirë t’i japësh lamtumirën Zarife Hasanaj.


“Është e vështirë të gjej fjalët për ushtaraken, të ndjerën Zarife Hasanaj, këtu në sytë e prindërve të saj që në vend se me fustanin e nusërisë në pragun e derës, në krahë të dhëndrit po e përcjellin vajzën e tyre mbështjellë me flamurin kombëtar në krah të shokëve të saj të FARSH; në praninë e 2 motrave, vëllait të saj, pranë prindërve e rrethit familjar ndiejnë boshllëkun e pangushëllueshëm; në praninë e shokëve dhe shoqeve të saj lidhur në besën e atij flamuri që na jep nderin dhe emrin shqiptar për të cilin FARSH është betuar të sakrifikojë edhe jetën në mbrojtje të atdheut dhe amanetit që atdheu e ka të shkruar në pëlhurën kuq e zi ku është mbështjellë trupi i dëshmores më të re të Republikës.
Detyra e kërkon që sidoqoftë fjalët të gjenden dhe të thuhen dhe përulësisht i shpreh ngushëllimet më të ndjera si kryeministër i Shqipërisë, si qytetar i kësaj republike dhe si prind e vëlla i prindërve, motrave, vëllait dhe gjithë të afërmve të vajzës e cila tanimë i përket të gjithë atyre që ikën dhe do të vijnë në këtë botë me gjakun dhe emrin shqiptar. Vajza e mbështjellë me flamurin e atdheut është sot mishërimi tronditës i të vërtetës të besnikërisë ndaj atdheut që e kanë krijuar dhe e krijojnë përditë ne kryerjen e misionit të saj qenien e patjetërsueshme e pazëvendësueshme të Forcave të Armatosur të Republikës”, u shpreh Rama.

Lexo edhe :  Rama braktisi Veriun, licencë për përhapjen e virusit






Etiketa: ,

CLOSE
CLOSE
Pas