Kryeminstri i Shqipërisë, Edi Rama i është përgjigjur Presidentit Meta lidhur me shtrirjen e Greqisë me 12 milje në detin Jon.
Rama i kërkoi Metës që të rrijë i qetë dhe të mos bëje ‘rafting’ me Kushtetutën me një cështje të marrëdhënies ndërkombëtare dhe të fqinjësisë, teksa Meta ditën e djeshme deklaroi se do mbrojë ligjin themeltar të shtetit dhe vendimin e Gjykatës Kushtetuese, të një dekade më parë , lidhur me çështjen në fjalë.
“Presidenti duhet të informohet mirë dhe të bëjë atë që duhet të bëjë dhe të mos ngatërrojë Kushtetutën e Shqipërisë me të drejtën e detit të Greqisë, që nuk ka lidhje fare me Shqipërinë. Mos ta ngatërrojë, mos të hedhë fjalën sikur ‘hajde të mbrojmë Kushteuttën’, sepse këtu nuk ka fare lidhje Presidenti dhe as Kushtetuta. Është si puna e Kanioneve të Skraparit, ka shkëmbinj nga njëra anë dhe nga ana tjetër dhe në mes rrjedh ujë.
Konventa iu ka dhënë të drejtë të dy shkëmbinjve të marrin nga ky ujë. Kështu që presidenti të jetë shumë i qetë, sepse nuk është rasti për të bërë ‘rafting’ me Kushtetutën dhe me një cështje të marrëdhënies ndërkombëtare dhe të fqinjësisë”, tha Rama.
