CIA amerikane është akuzuar jo pak herë se sulmet e saj me dronë mbi objektivat e dyshuara terroriste shkaktojnë edhe viktima të paqëllimshme. Por tashmë duket se agjencia më e madhe e inteligjencës në botë e ka gjetur një zgjidhje.
Bëhet fjalë për një raketë ‘Ninxha’, e cila i bën copash shënjestrat me gjashtë shpata. Kjo armë njihet edhe si R9X dhe është projektuar për të hyrë në godina dhe makina me ndihmën e shpatave të mëdha.
Raketa nuk ka mbushje me eksploziv, për të minimizuar humbjet në civilë. Ajo ka nisur të quhet edhe ‘Ginsu fluturues’ sipas emrit të një marke thikash.
Me një raketë të tillë është vrarë edhe Aby Khayr al-Masri, numri i dy i Al Kaedës. Makina e tij u bë copash në Idlib, në veri të Sirisë. Në këtë mënyrë është vrarë edhe Jamal al-Badawi, jemenasi që orkestroi sulmet mbi USS Cole, ku vdiqën 17 marinarë amerikanë.
Detajet për armën e re janë publikuar nga Wall Street Journal. Prodhimi i saj u urdhërua nga Barack Obama pas kritikave se nga sulmet me dronë janë vrarë edhe civilë.
Por si funksionon kjo armë e re?
Fillimisht dronët ‘Reaper’ pozicionohen pranë objektivit, duke lëshuar raketën, e cila kyçet në objektiv. Në momentin kur afrohet me objektivin, raketa nxjerr gjashtë tehet e saj duke e masakruar shënjestrën.
Etiketa: Al Kaeda, CIA, droni, raketa, shefi, shpata, Vrasja
