Pas mbarimit të seancës së pasdites, kreu i PD Lulzim Basha foli për mediat, ku denoncoi personat që sipas tij duhet të mos ishin pjesë e kuvendit, të lidhur me krimin dhe korrupsionin.
Basha përdori termat, si minim të demokracisë dhe përvetësim e pasurim me fondet publike, pikërisht, të shkruara nga Sekretari Blinken në dekretin që nxori me 19 maj për Sali Berishën ku e shpalli non grata.
Me siguri, Basha me këtë përzgjedhje fjalësh, jo të rastësishme, ka dashur të përcjellë një mesazh.
Që non-grata dhe të papërshtatshëm do të duhej të ishin shpallur njerëzit e kryeministrit dhe të qeverisë.
Edhe një ditë më parë, ai u shpreh, teksa bëri publik vendimin për përjashtimin e Berishës nga Grupi Parlamentar, se priste që gishti i SHBA të ishte drejtuar nga Edi Rama, si përgjegjës për manipulimin e zgjedhjeve të 25 prillit.
LEXO EDHE:
Basha flet me emra pas braktisjes së seancës: S’duhet të jenë në Kuvend
