Aktualitet

Çmimi i parë për ironinë më të madhe të vitit 2020





Bëni LIKE faqen zyrtare në Facebook
               Publikuar në : 18:52 - 09/01/20 |
Mapo.al

Ka plot ngjarje e zhvillime në Shqipëri, nga mëngjesi në mbrëmje dhe çdo ditë që ka falur i madhi zot, ku gjen pa fund ironi e paradokse, apo çudira që nuk t’i rrok dot mendja.


Zor se dikush mund të pretendojë vendin e parë në këtë garë frenetike për të pabesueshmet gjëra. Por në këtë janar, ka ndodhur një gjë që i lë të tjerat pas.



Edi Rama, shefi i rilindjes, ka marrë këtë vit drejtimin e OSBE.


Pra ky udhëheqës ka këto rekorde në vend, si; angazhimi i shumë grupeve të strukturuara kriminale në blerje vote për qeverinë, kandidimi i personave me precedent penalë për deputetë e kryetarë bashkie, kapja e institucioneve, organeve të reja të drejtësisë, ky që kaloi së voni një ligj të kontestuar që synon heshtjen e mediave e portaleve kritike, ky që ka ndalur konkurencën në ekonomi duke instaluar një sistem te fituesve të paracaktuar në tendera e koncesione, pikërisht, ky personazh, ka marrë përsiper të eksportojë vlerat e demokracise nëpër botë.

Përgjegjës për deficencën e madhe demokratike në vend, shefi i rilindjes tashmë do të vlerësojë si shkojnë këto punë e këto standarde ne trojet ku OSBE ushtron aktivitetin, me pak fjalë në çdo cep nga lindja në perëndim.

Ironi, paradoks dhe kundërthënie si kjo, mezi e gjen në librat e Kadaresë. Dhe humor si ky, zor se e has në estradat e shumta që vijnë vërdallë në televizione. Por fakti është ky. Kjo po ndodh. E njëjta OSBE që tha se në zgjedhjet e fundit në Shqipëri, nuk u mor në konsideratë interesi i qytetarëve, që tha se megjithëse kandidoi vetëm një parti sërish pati parregullsi, që zbuloi se organet e drejtësisë dhe apelimit nuk funksionuan, pikërisht kjo organizatë, ia blatoi drejtimin e saj, personit përgjegjës për gjithë anomalitë që konstatoi së fundmi me 30 qershorin e vitit që kaloi.

Po si mund të ndodhë kjo? Pyet dikush me të drejtë. Jo vetëm po ndodh, por shefi i rilindjes tashmë po jep mend edhe për krizën e madhe në Lindjen e Mesme. Kështu që, cmimi i parë për ironinë më të madhe në këto anë, madje në krejt kontinentin, tashmë është dhënë.

Mapo.al


Etiketa: , , ,

CLOSE
CLOSE
Pas