Kuvendi ka anuluar seancën plenare që ishte parashikuar ditën e enjte. Përmes një njoftimi për mediat, Kuvendi thekson se kjo seancë do të zhvillohet në një datë tjetër.
“Ju njoftojmë se seanca plenare e ditës së nesërme, e enjte, datë 26 maj, e parashikuar në kalendarin e punimeve të Kuvendit, nuk do të zhvillohet. Kjo seancë do të zëvendësohet në një datë tjetër që do t’ju bëhet me dije në ditët në vijim”, thuhet në njoftimin e kuvendit, i cili nuk sqaron arsyet e anulimit të punimeve të ditës së nesërme.
Kujtojmë që për shkak të finales së Conference League, qeveria vendosi që ta shpallë pushim 25 majin për institucionet arsimore dhe shtetërore.
Edhe pse në ditën e enjte nuk ka asnjë lloj kufizimi, ajo do të jetë e vështirë derisa Tirana të kthehet në normalitet me rikthimin e tifozëve në vendin e tyre.
