Aktualitet

Covid-19 / Alarmi i epidemiologut Alimehmeti: Kortizonikët po jepen si karamele në Shqipëri














Bëni LIKE faqen zyrtare në Facebook
               Publikuar në : 14:32 - 21/12/20 |
mapo.al

Mjeku epidemiolog Ilir Alimehmeti ka ngritur alarmin për përdorimin e kortizonikëve nga qytetarët kundrejt Covid-19.






Në një postim në “Facebook”, Alimehmeti shkruan se ky medikament po jepet si karamele, në një kohë kur s’ushtron veçse efekte anësore negative, të njohura e të panjohura.


Mjeku thekson se kortizonikët nuk jepen për stadet e lehta të sëmundjes, aq më tepër në ditët e para të diagnozës pozitive.







“Indikacioni i vetëm klinik për dhënien e kortizonikëve është te pacientët e sëmurë rëndë, potencialisht në detres respirator”, – sqaron epidemiologu Alimehmeti.




Postimi i mjekut epidemiolog Ilir AliMehmeti në “Facebook”:



“PRIMUM NON NOCERE”

Cit.: Dogmë mjekësore (shqip: “Së pari mos bëj dëm”)

Miqtë e mi!

Një lutje për të gjithë!

Në kuadrin e frenezisë së trajtimit të COVID-19, po rendim drejt skajit tjetër mjekësor, atij të MBITRAJTIMIT!

Kujdes, medikamentet kur nuk përdoren në mënyrën e duhur dhe në kohën e duhur, jo vetëm që nuk ofrojnë asnjë efekt por ushtrojnë efekte anësore negative të njohura e të panjohura.

Ky është rasti edhe i kortizonikëve, të cilët po jepen si karamele edhe në Shqipëri.

Indikacioni i vetëm klinik për dhënien e kortizonikëve është te pacientët e sëmurë rëndë, potencialisht në detres respirator.

NUK JEPEN KORTIZONIKË NË FORMAT E LEHTA!

AQ MË KEQ QË DITËN E PARË TË DIAGNOZËS!

Studiuesit e qendrës prestigjioze Mayo Clinic, Rochester – SHBA kryen një meta-analizë (maja e evidencës mjekësore) mbi përdorimin e kortizonikëve në COVID-19 dhe raportuan në revistën CHEST më 28 tetor 2020 se:

KORTIZONIKËT E RRISIN VDEKSHMËRINË E PËRGJITHSHME ME 2.3 FISH! (Figura 3 e artikullit)

Në rastet e sëmura rëndë kortizonikët e ulin vdekshmërinë me 35%. (Figura 4 e artikullit)

Vdekshmëria e rritur te pacientët që përdorin kortizonikë vjen si rrjedhojë e efekteve të njohura protrombotike të kortizonikëve e kombinuar me efektet anësore negative të kortizonikëve si superinfeksionet, aspergiloza pulmonare e lidhur me COVID-19, hiperglicemia dhe hipertensioni arterial.

Të gjitha efekte anësore të njohura miqtë e mi!

Pra: Mos merrni dhe mos jepni kortizonikë në fazat e para dhe të lehta të sëmundjes!

KORTIZONIKËT E DHËNË PA KRITER RRISIN GJASAT E VDEKJES!

Kujtoni:

PRIMUM NON NOCERE 🙏

Asnjë mjekim nuk është karamele.

Mos i trajtoni si të tillë.

Dr. Shk. Ilir Alimehmeti

Epidemiolog Klinik

Fakulteti i Mjekësisë, UMT

1


Etiketa: , ,

Pas