Presidenti argjentinas Alberto Fernandez u vaksinua të enjten me dozën Sputnik V, një ditë pasi u miratua në vend përdorimi i vaksinës së prodhuar nga Rusia.
“Unë falënderoj Institutin Gamaleya për punën shkencore, ata që punuan për të sjellë punët e tyre te ne dhe të gjithë personelin shëndetësor të vendit tonë për angazhimin e tyre të madh. Bërja e vaksinimit ndihmon në imunizimin tonë kundër koronavirusit. Le ta bëjmë!”– u shpreh Fernandez.
Deri më tani, Argjentina është furnizuar me 600 mijë doza Sputnik V. Vendi i tetë më i madh në botë ka nënshkruar një kontratë për të blerë 22.4 milionë doza të vaksinës AstraZeneca, ndërsa pritet të vijë në muajt e ardhshëm.
Risjellim në vëmendje se Argjentina regjistron në total 1.8 milion raste me Covid-19, si dhe 45 mijë vdekje.
