Një ditë më parë u zhvillua Asambleja e PS për Tiranën. Në atë mbledhje me dyert të mbyllura rrodhën informacione në media se Edi Rama është shprehur: “A keni tjetër emër përveç Veliajt se unë s’kam”.
Sot ministri i Bujqësisë, Blendi Çuçi pa dashur të flasë për diskutimet në asamble, ka konfirmuar se Veliaj është kandidat i padiskutueshëm për Tiranën.
Deklarata në Tempora në Ora News
Meço: Për zotin Veliaj keni informacion për atë që ndodhi në mbledhjen e Asamblesë?
Çuçi: Jo nuk kam informacion! Kam një konsideratë për Erionin, që për mua është kandidati më i padiskutueshëm ndër 61 kandidatët që mund të zgjedhë Partia Socialiste. E kjo lidhet vetëm me punën qe ai ka bërë për Tiranë.
