Deputetja Dhurata Çupi në emër të Partisë Demokratike në një deklaratë për mediat ka akuzuar qeverinë se ka rritur taksat dhe paratë e shqiptarëve ua jep familjarëve dhe shpurës së tij të inkriminuar
“OSSHE do të marrë direkt nga xhepat e shqiptarëve 4% të taksës së banesës. Mbledhja e taksës së banesës nga OSSHE, shkel rëndë autonominë e pushtetit vendor”, deklaroi ndër të tjera deputetja Çupi.
Deklaratë e Partisë Demokratike, deputetja Dhurata Çupi
Edi Rama ka dy standarde në qeverisjen e vendit:
Nga njëra anë rrit taksat për shqiptarët, duke i varfëruar gjithmonë e më shumë;
Nga ana tjetër, buxhetin me taksa të rritura ia shpërndan krimit e trafikantëve shokë e miq të deputetëve.
I shpërndan familjes së tij, si në rastin e baxhanakut Armand Frangu. Apo ia shpërndan miqve që e financojnë, si Agron Papuli, duke i pasuruar ata gjithnjë e më shumë.
Këtë ka ndërmed të bëjë edhe me taksën më të re që u ka vënë shqiptarëve.
Nga një anë u merr familjeve shqiptare paratë e taksës së rritur të shtëpisë dhe të ndërtesës së biznesit, nga ana tjetër do t’ia japë një pjesë të këtyre parave Operatorit të Shpërndarjes së Energjisë
Dihet se ku i çon OSHEE-ja paratë e shqiptarëve: ia jep miqve trafikantë droge te qeveritareve ose baxhanakut të kryeministrit.
Sipas planit të Edi Ramës grabitja për qytetarët me taksën e ndërtesës do të jetë e dyfishtë.
Njëherë me rritjen e pajustifikuar të taksës, pastaj me caktimin e OSHEE-së si mbledhëse e kësaj takse, duke e shpërblyer me 4 përqind të shumës së mbledhur nga taksat e rritura.
Përveçse një dhunim flagrant i kompetencave të pushtetit vendor, vendimi pasuron arkën e OSHEE-së hajdute, duke i hequr nga xhepi një dorë parash shumicës dërrmuese të qytetarëve.
Formula e Edi Ramës detyron që për një shtëpi me vlerë tregu 100 milionë lekë, qytetari të paguajë rreth 60 mijë lekë taksë ndërtese në vit. Për biznesin në qytet dhe fshat taksa është edhe më e lartë, ndërkohë që qeveria përjashton nga taksa hotelet me 5 yje.
Nga rreth 80 milionë euro që parashikon të mbledhë nga taksa e rritur e ndërtesës, ne vit, Edi Rama synon që OSHEE të marrë 3.2 milionë euro.
Qytetarët duhet ta dimë se kaq kushtojnë vetem dy tenderat që kanë marrë javët e fundit baxhanaku i Edi Ramës dhe miku i Taulant Ballës.
Shqiptarët nuk meritojnë një qeveri që u rrit taksat dhe i shpërndan paratë tek krimi, miqtë dhe familja.
Së bashku, ne duhet të bëjmë gjithçka për të larguar një qeveri që po rrënon ekonominë e familjeve të zakonshme shqiptare!
Taksa paguesi eshte shume i interesuar se cbehet me taksat qe i kerkohet te paguaj. Ketu thohet se 4 %qe merr ossh [ndermarrje shterore) qenka e pa vlefshme nuk dihet si vilej taksa dhe sa ne kohen e pd. Ketu thohet se sherbimet e kontraktuara ppp qenkan para qe u jepen klienteles a thua se pd ja jepte ne kohen e vet te veteve jo per te bete pune publike por per tua dhuruar para te thata . Per te qene tamam pd duhet te shqyrtoje dhe vertetoje popullit se si keto sherbime ppp jane te pa frytshme dhe nuk i sherbejne publikut, le tibeje edhe bilancet keture re”klienteles” dhe te thote qe per 1 00 lekr te paguara keto kompani fitojne shume psh 50 leke etj etj.
Booll me rrena.Jeni opozite e moos u merrni me rrena.Jepni alternativat tuaja per problemet e ndryshme e mos I manipuloni ato politikisht.Populli e vendi ka nevoj per nje opozite konstruktive e jo nje opozite manipuluse e mashtruese.Populli nuk ka nevoj per “babale”. Te fala Mark DUDIT